"Ньюкасл" ярим ҳимоячиси Бруно Гимараэс "Манчестер Сити"нинг унга бўлган қизиқиши ҳақида гапирди.
"Мен "Ньюкасл"нинг асосий ўйинчиларидан бири эканлигимга ишонаман ва бу ерда менга катта ҳурмат билан қарашади. Бир неча йил олдин мен Англия Премьер-лигасида ўйнашни орзу қилардим, энди эса мен "Ньюкасл" сардориман - бу ақл бовар қилмайдиган нарса. Мен "Ньюкасл"ни жуда яхши кўраман. Албатта, "Манчестер Сити"нинг қизиқиши юқори савияни намойиш қилаётганимни кўрсатади, аммо бу шунчаки қизиқиш. Гвардиола? Биз сўз алмашганимиздан сўнг, мен унинг ишига қойил қолдим, у эса меникига қойил қолди, бошқа ҳеч нарса йўқ", - деди Гимараэс Globo Esporte билан суҳбатда.
