"Бенфика" марказий ҳимоячиси Антонио Силва "Ювентус"нинг трансфер мақсадига айланди.
Турин клуби узоқ муддатга сафдан чиққан Глейсон Бремернинг ўрнини тўлдириш учун ҳаракатни давом эттирмоқда. Нуфузли инсайдер Жанлука ди Марцио маълумотларига кўра, "Ювентус"нинг қизиқишлари рўйхатида Антониу Силва ҳам бор. Сўнгги пайтларда 21 ёшли футболчи "Бенфика"нинг бошланғич таркибига кирмаяпти, бу унинг кетиши эҳтимолини ошириши мумкин. Битимнинг энг эҳтимолий варианти - январь ойида мажбурий ёки ёзда сотиб олиш имконияти билан ижара.
Transfermarkt портали Антониу Силва нархини 40 миллион еврога баҳоламоқда.
