"Эвертон" марказий ҳимоячиси Жерред Брэнтуэйтга яна бир топ-клуб қизиқиб қолди.
22 ёшли футболчига "Манчестер Юнайтед" анчадан бери асосий даъвогар ҳисобланади - миш-мишларга кўра, "қизил иблислар" келгуси йилнинг ёзида истиқболли инглиз номзодига қайтишни режалаштирмоқда. Calciomercato хабарига кўра, Брэнтуэйтни "Ювентус" ҳам кузатмоқда. "Кекса Сеньора" вакиллари бошқа вариантлар билан бир қаторда "ирислар" ўйинчисининг ёзги трансфер имкониятини ўрганмоқда.
Жерред жароҳат туфайли бу мавсумда "Эвертон" сафида бор-йўғи бешта ўйин ўтказди. Transfermarkt экспертларининг ҳисоб-китобларига кўра, марказий ҳимоячининг нархи 42 миллион еврони ташкил этади.
