Бразилия терма жамоаси бош мураббийи Доривал Жуниор Уругвай билан бўлиб ўтган (1:1) ЖЧ-2026 саралаш ўйини ҳақида ўз фикрларини билдирди.
"Тараққиёт яққол кўзга ташланмоқда. Мен ҳамма чизиқларимизни ўйинга қараб баҳолайман. Охирги икки ўйинда яхши натижа кўрсатдик, баъзида омадимиз келмади. Яна битта гол - ва биз йилни жадвалда 2-ўринда якунлашимиз мумкин эди.
Ўйлайманки, бизнинг ўйинимизда кўп нарса ўзгарди. Биз ўз йўлимиздан бормоқдамиз, натижаларимизни яхшилашни истаймиз ва бунга яқинлашдик. Аммо мухлисларга кўпроқ ишонч берадиган мукаммал жамоани яратиш учун вақт керак.
Баъзилар буни сезишни истамаса ҳам, иш давом этмоқда. Натижалар, афсуски, содир бўлаётган воқеаларни беркитиши мумкин. Мен жамоага ва натижалар яхшироқ бўлишига ишонаман", - деди Доривал Жуниор.
