Айтишларича, «Милан» «Реал» ҳужумкор ярим ҳимоячиси Браим Диасни ўз сафига қайтармоқчи. Бироқ, «Marca» ўз саҳифаларида маълум қилишича, «Мадрид» жамоаси бош мураббийи Карло Анчелотти Диаснинг ўйинидан мамнун ва у сотувга қўйилмайди, деб ҳисоблайди.

Диасдан клубнинг бошқа барча вакиллари, хусусан, «Реал» президенти Флорентино Перес мамнун. «Қаймоқранглилар» 25 ёшли футболчининг профессионаллигидан ҳайратда қолишади ва унинг жамоада узоқ муддатли келажаги бор деб ҳисоблашади.

Брайм Диас 2024/2025 йилги мавсумда «Реал»нинг тўққизта расмий ўйинида иштирок этган. Уларда футболчи ўз ҳисобига битта гол ва шерикларига иккита самарали узатмани қайд этди.