Айрим турнирлар ҳозирда ярим автоматик офсайдни аниқлаш тизимидан фойдаланмоқда. У ўйинчиларнинг ҳолатини таҳлил қилади ва офсайдларни тезда аниқлаш имконини беради, чунки видеоассистентларга қўлда чизиқлар чизиш керак эмас. Англия Премьер-лигаси тизимни кузда ишга туширишни режалаштирганди, бироқ аввалроқ муддатни январга кўчирди.
Энди, «The Times» ўз саҳифаларида хабар беришича, Премьер-лига кейинги мавсум учун муддатни ўзгартириши мумкин. Премьер-лига клублари тизим яқин ойларда ишга тушириш учун етарлича етук эмас деб ҳисоблашади. Тизим синови давом этади.
