"Реал Мадрид" ҳужумчиси Эндрик клубда қолади.
Таниқли журналист Фабрицио Романонинг маълум қилишича, "Реал" қишда бразилиялик ҳужумчи билан хайрлашмоқчи эмас, Эндрикнинг ўзи ҳам ҳеч қаерга кетишни режалаштирмаган. Шундай қилиб, бразилияликнинг Англия клубларига ижара асосида ўтиши ҳақидаги миш-мишлар ҳақиқатга тўғри келмайди.
18 ёшли футболчи жорий мавсумда Испания чемпионатида "қаймоқранглилар"нинг саккизта ўйинида иштирок этиб, битта гол урди ва битта голли узатмани амалга оширди. Эндрик ёзда Бразилиянинг "Палмейрес" клубидан "Реал"га ўтди, трансфер миқдори тахминан 50 миллион еврони ташкил этди.
