"Рома" ярим ҳимоячиси Леандро Паредес қишки трансфер ойнасида "Бока Хуниорс"га қайтиши мумкинлиги ҳақида гапирди.
"Рома"ни мавсум охиригача тарк этмайман, клуб билан шартномам бор, уни бажариш ниятим бор", — дея Паредес сўзларини келтирмоқда TycSports.
Паредес ўтган ёзда "ПСЖ"дан "Рома"га ўтган эди. 30 ёшли аргентиналик футболчи жорий мавсумда Рим клуби сафида 8 та ўйин ўтказиб, битта голли узатмани амалга оширди. Паредеснинг "Рома" билан амалдаги шартномаси 2025 йилнинг 30 июнига қадар тузилган ва унинг трансфер нархи 8 миллион еврога баҳоланмоқда.
Жорий мавсум "Рома" учун жуда ёмон ўтмоқда, 12 турдан кейин Раньери шогирдлари турнир жадвалида атиги 12-ўринни эгаллаб турибди.
