"Лацио" ярим ҳимоячиси Маттео Гендузи Рим клубининг бу мавсумдаги мақсадлари ҳақидаги саволга жавоб берди.
"Биз Чемпионлар лигасига қайтишни хоҳлардик, бунинг учун эса чемпионатни кучли тўртликда якунлашимиз керак. Албатта, бу осон бўлмайди, чунки Италияда Чемпионлар лигасига даъвогарлик қила оладиган 7-8 та жамоа бор, жадвал жуда зич, аммо биз рақобатбардош эканимизни кўрсатмоқдамиз," - дея таъкидлади Гендузи.
12 турдан сўнг "Лацио" Италия чемпионати турнир жадвалида бешинчи ўринни эгаллаб турибди. Кейинги турда римликлар ўз майдонида "Болонья"ни қабул қилади.
