"Ливерпул" бош мураббийи Арне Слот жамоа дарвозабони Алиссоннинг октябрь ойи бошида АПЛ доирасида "Кристал Пэлас"га қарши ўйинда олган жароҳатидан сўнг тузалиб кетгани ҳақида фикр билдирди.
"Биз барча ўйинчилар билан эҳтиёт бўламиз, айниқса мушаклардаги жароҳатлар ҳақида гап кетганда. Алиссон дарвозабонлар мураббийи билан индивидуал машғулотларга қайтди, у ҳозирча асосий гуруҳ билан машғулот ўтказмаяпти, лекин тез орада сафга қайтишини кутамиз.
У яхшиланмоқда. Лекин якшанба куни "Саутгемптон"га қарши ўйинга яроқли бўлади деб ўйламайман", - дея қўшимча қилди Слот.
Алиссон шу ҳафта жароҳатидан тўлиқ тикланишга улгурмаса, 27 ноябрь, чоршанба куни бўлиб ўтадиган Чемпионлар лигасининг навбатдаги ўйинини ҳам ўтказиб юбориши мумкин.
