Пайшанба куни Пеп Гвардиола "Манчестер Сити" билан шартномасини яна икки йилга 2026/2027 йилги мавсум охиригача узайтиргани эълон қилинди. Матбуот анжуманида испаниялик қандай ҳолатда клубни аввалроқ тарк этишини айтди.
"Бу ерда яна икки мавсум ўтказмоқчиман. Лекин шуни биламанки, натижалар яхши бўлмаса, икки йил ҳам бўлмайди. Худди шу нарса футболчилар учун ҳам амал қилади. Сиз қанчалик афсонавий бўлишингиздан қатъий назар, сиз доимо ўз даражангизда туришингиз керак", – деди Гвардиола.
23 ноябрь, шанба куни “Манчестер Сити” ўз майдонида “Тоттенхэм”га қарши ўйин ўтказади.
