"Манчестер Сити" клуби юлдуз ярим ҳимоячилари Кевин Де Брюйне ва Илкай Гюндоганни алмаштириш ҳақида ўйламоқда.
Ҳар икки футболчининг "шаҳарликлар" билан шартномаси келаси ёзда якунига етади. Журналист Керри Хаунинг фикрича, мавсум якунлангач, "Манчестер Сити" ярим ҳимоя чизиғини кучайтиришга ҳаракат қилади – Де Брюйне ёки Гюндоган ўрнига тўғридан-тўғри ўринбосар билан шартнома имзолаш мумкин. Жамоа бош мураббийи Хосеп Гвардиолага Жамол Мусиаланинг номзоди ёқади, аммо "Бавария" футболчисини ўзига жалб қилиш осон бўлмайди, чунки у Мюнхен клуби билан шартномани узайтирмоқчи.
Эслатиб ўтамиз, пайшанба куни "Манчестер Сити" Гвардиола билан шартномасини 2027 йилгача узайтирганини эълон қилган эди.
