"Милан"нинг собиқ юлдузи, украиналик футболчи Андрей Шевченко, Италияда ўтказган энг яхши йилларини илиқлик билан эслади.
1999 йилдан 2006 йилгача у "Милан"да ўйнаб, клуб билан Италия чемпионати ва Чемпионлар лигасида ғалаба қозонган. У "Милан"нинг ҳозирги ҳолати ҳақида гапирди ва клубга Паоло Мальдини етишмаяпти, деб ҳисоблайди.
"Мальдини – "Милан"нинг рамзи. Албатта, уни ҳамма соғинди, у бу клуб билан ҳамма нарсада ғалаба қозонди ва 41 ёшгача уларда ўйнади. Ҳозир, умуман олганда, “россонерилар”да барқарорлик етишмаяпти, аммо менимча, бу қайсидир маънода руҳий муаммо", - дея Шевченконинг сўзларини келтиради derbyderbyderby.it.
