"Барселона" "Аякс"нинг 21 ёшли ўнг қанот ҳимоячиси Девайн Реншга қизиқиш билдирмоқда. Бу ҳақда Sport.es хабар бермоқда.
Манба берган хабарга кўра, "кўк-анорранглилар" бош мураббийи Ханс-Дитер Флик жамоада ҳимояда етарлича ўйинчи йўқ, деб ҳисобламоқда. Шу билан бирга, "Барселона" Жюль Кунденинг ўнг қанот ҳимоячиси сифатидаги ўйинини шубҳа остига қўймайди.
Қайд этилишича, айни дамда Нидерландия гранди билан шартномаси келаси ёзда тугайдиган Ренш билан шартнома имзолаш борасида якуний қарор қабул қилинмаган. "Ливерпуль" ва "Тоттенхэм" ҳам ҳимоячига кўз тикмоқда, "Аякс"нинг ўзи эса футболчига шартномани узайтириш таклифи билан чиқди.
