“Реал Сосьедад” клуби ярим ҳимоячиси Арсен Захаряннинг агенти Геннадий Голубин нега унинг мижози Бильбаонинг “Атлетик” клубига қарши Испания чемпионати 14-тур учрашуви учун қайдномага киритилмагани ҳақида гапирди.
Голубиннинг қайд этишича, россиялик футболчи тиббий сабабларга кўра Испания кубоги ўйинини ўтказиб юборган, чунки ўйиндан олдинги машғулотлар вақтида у қаттиқ зарба олган ва тўпиғида ноқулайлик ҳис қилган.
"Нега Арсен бугун таркибга киритилмади? Бу "Сосьедад" мураббийлар штабининг қарори. Демак, улар футболчига ғамхўрлик қилмоқчи", - дея Голубиннинг сўзларини келтиради Sport24.
