Испания терма жамоаси ва "Реал Сосьедад" ярим ҳимоячиси Мартин Субименди Ла Лиганинг бошқа клуби "Реал Мадрид"га ўтиши мумкин. Бу ҳақда Marca газетаси журналистлари хабар бермоқда.
Манбага кўра, "қироллик" клуби ярим ҳимояга Тони Крооснинг йўқотилишини қоплай оладиган янги футболчини қўлга киритмоқчи. "Реал" "Олтин тўп" соҳиби Родри Эрнандесни таклиф қилишдан кўра, Субименди билан шартнома имзолашни афзал кўради.
Субимендининг товон пули 60 миллион еврони ташкил қилади. Ярим ҳимоячининг трансферига “Реал”дан ташқари Лондоннинг “Арсенал”, “Ливерпуль” ва “Манчестер Сити” клублари ҳам қизиқиш билдирмоқда.
