"Интер" бош мураббийи Симоне Индзаги Чемпионлар лигаси доирасида "РБ Лейпциг"га қарши ўйин олдидан журналистлар саволларига жавоб берди.

"Умид қиламанки, "Интер"да узоқ вақт қоламан, "Сан-Сиро" муҳитини ҳис қилишда давом этмоқчиман. Бу ерда бизни қўллаб-қувватлаган мухлислар борлиги туфайли устунликка эгамиз.

Мен ўзимни дунёдаги энг яхши мураббийлардан бири деб биламанми? Менга омад кулиб боқди, чунки бизда ажойиб таркиб бор. Биз мақсадларимиз ва амбицияларимизни биламиз. Биз жамоа билан кўп нарсага эришдик ва умид қиламанки, мен "Интер"да муваффақиятга эришишда давом этаман", - деди Индзаги матбуот анжуманида.