Лиссабоннинг “Спортинг” клуби ҳужумчиси Виктор Дьёкереш Лондоннинг “Арсенал” клуби ҳимоячиси Габриэль дос Сантоснинг голни нишонлаш услуби ҳақидаги саволга жавоб берди.
Бразилиялик футболчи Чемпионлар лигаси ўйинининг биринчи бўлими якунида “шерлар” дарвозасини ишғол қилиб, таблодаги ҳисобни 3:0 кўринишига келтирди. у ўз голини нишонлашда Дьёкерешга тақлид қилди.
"Агар у ўзиникини ўйлаб топмаса, меникини ўғирлаши мумкин! У буни қилганини кўрмадим. Қизиқ, менинг гол нишонлашим унга ёққан экан", - деди футболчи.
Учрашув лондонликларнинг 5:1 ҳисобидаги ғалабаси билан якунланди.
