"Байер" ярим ҳимоячиси Гранит Джака Чемпионлар лигасининг 5-тури доирасидаги "Зальцбург" устидан қозонилган ғалаба (5:0) ҳақида фикр билдирди.

“Бугун осон ўйин бўлмади. Яхши ўйин кўрсатиб, вазифамизни осонлаштирдик. "Залцбург"да жуда кўп ижобий фазилатлар бор, лекин биз уларни кўрсатишига йўл қўймадик. "Интер", "Атлетико" ва "Спарта"га қарши ўйинларда олдимизда учта катта вазифа турибди. Мақсадимиз Рождество олдидан вазиятга ойдинлик киритишдир", - дейди Джака.

“Байер” 10 очко жамғариб, турнир жадвалида 5-ўринга кўтарилиб олди. "Зальцбург" 30-ўринда қолди (3 очко).