"Арсенал" ҳужумчиси Букайо Сака Чемпионлар лигасининг 5-тури доирасидаги "Спортинг" устидан қозонилган ғалаба (5:1) ҳақида фикр билдирди.

"Биз бу муҳим ўйин эканини билардик, Чемпионлар лигасидаги сўнгги ўйинда мағлуб бўлдик, узоқ вақтдан бери ғалаба қозона олмадик. Охирги марта Европада меҳмонда қачон гол урганимизни эслолмайман, лекин ҳеч қандай муваффақиятсизлик бўлмагандек ўзимизга ишонган ҳолда майдонга чиқдик. Бугун биз жуда юқори савияда ўйнай олдик ва бундан жуда фахрланаман", - дея Сака сўзларини келтиради УEФА матбуот хизмати.

“Арсенал” 10 очко жамғариб, турнир жадвалида 10 очко билан 8-ўринда бораётган “Спортинг”ни ортда қолдириб, 7-ўринга кўтарилиб олди.