Фрэнк Лэмпард янги иш топди.
46 ёшли инглиз «Ковентри» бош мураббийига айланади, дея хабар беради журналист Бен Жейкобс. Томонлар принципиал келишувга эришдилар.
Ҳозирча шартнома имзоланмаган, аммо Лэмпарднинг тайинланиши пайшанба куни расман эълон қилиниши кутилмоқда. У 30 ноябрь куни «Кардифф»га қарши ўйинда жамоани бошқаради.
Лэмпард бунгача «Дерби», «Челси» ва «Эвертон» клубларини бошқарган. 2023 йилда у Лондон клубига бош мураббий вазифасини бажарувчи сифатида қайтганди.
«Ковентри» 17-турдан кейин 17 очко билан Чемпионшип турнир жадвалида 17-ўринда бормоқда.
