Чемпионлар лигасининг 5-тур учрашуви бўлиб ўтди ва унда "Штурм" ва "Жирона" клублари тўқнаш келди. Ўйин Австриядаги "Вертерзее-Штадион"да бўлиб ўтди.
Ушбу учрашувда "Штурм" 1:0 ҳисобида минимал ғалабага эришди. "Жирона" учун бу мағлубият Испания клублари учун Чемпионлар лигасидаги тарихий антирекордга айланди. Каталония жамоаси Испаниядан биринчи бўлиб турнирнинг дастлабки бешта ўйинининг тўрттасида мағлуб бўлди.
Бунгача "Жирона" ПСВ (0:4), "Фейеноорд" (2:3) ва "ПСЖ" (0:1) билан ўйинларда мағлуб бўлганди. Ягона ғалаба “Слован”га қарши ўйинда қайд этилган бўлиб, унда испанлар 2:0 ҳисобида ғалаба қозонишган. "Жирона" ҳозирда Чемпионлар лигаси турнир жадвалида 30-ўринни эгаллаб турибди.
