Пайшанба куни ФИФА расмий сайтида терма жамоалар рейтинги янгиланди. Ушбу рейтингнинг кучли бешлигида ҳеч қандай ўзгариш бўлмади. Аргентина терма жамоаси сайёрамизнинг энг кучли жамоаси мақомини сақлаб қолди (1867,25 балл). «Альбиселесте» амалдаги жаҳон чемпиони эканлиги маълум.

Кейинги ўринларда Франция, Испания, Англия ва Бразилия терма жамоалари.

Бельгия терма жамоаси Миллатлар лигасидаги муваффақиятсизликлардан сўнг олтинчи ўриндан саккизинчи ўринга тушиб кетди. Португалия (олтинчи ўрин) ва Нидерландия (еттинчи ўрин) мос равишда юқорига кўтарилди.

Италия тўққизинчи ўринда, Германия эса кучли ўнталикни якунлаб турибди. Бундестим бир поғонага кўтарилди - октябрда у ўн биринчи ўринда эди.