Чоршанба куни "Ливерпуль" "Реал Мадрид"ни 2:0 ҳисобида мағлуб этди. Ўйиндан кўп ўтмай конференция залида “қизиллар” устози Арне Слот пайдо бўлди.
Журналистлардан бири Райан Гравенберх кейинги Тони Кроос бўла оладими, деб сўрашди. 46 ёшли мураббий ўз жавоби билан йиғилганларни ҳайратда қолдирди: "Йўқ, чунки у немис эмас, голланд", деб кулди Арне Слот.
Мураббийнинг бу сўзларидан сўнг журналистлар кулиб юборишди. Бироздан сўнг нидерландиялик мутахассис анжуманни якунлаб, хонани тарк этди.
Райан Гравенберх жорий мавсумда 17 та ўйин ўтказиб, битта голли узатмани амалга оширган.
