"Милан" ҳимоячиси Маттео Габбиа шартномасининг янгиланишига муносабат билдирди ва бу унинг фаолиятидаги "ажойиб шахсий дамлар" эканлигини айтди.
"Албатта, мен жуда хурсандман, бу мен учун ажойиб шахсий дамлардир. Бу орзулар рўёбга чиққан ва кўп йиллар аввал бошланган воқеанинг давомидир.
Фаолиятимда шундай нуқтага етдимки, ўзимни жамоа учун муҳим футболчи дея биламан ва бутун "Милан" аҳли мени яхши кўришади.
Умид қиламанки, бу келгуси йилларда янада гўзалроқ лойиҳанинг бошланиши бўлади.
Мен спортчи сифатида ҳам, шахс сифатида ҳам ўзимдаги ижобий томонларни очиб беришга ва жамоадошларим учун қўлимдан келганини қилишга ҳаракат қиламан. Жамоадошларим билан бирга чемпионликни қўлга киритиб, клубнинг янги саҳифасини яратмоқчиман", – деди Габбиа.
