"Интер" президенти Беппе Маротта жамоа ҳужумчиси Лаутаро Мартинес ФИФАнинг нуфузли "The Best" мукофотига номзод сифатида кўрсатилмаганидан хафа бўлди.
"Бундай ажойиб мавсумдан кейин Лаутаронинг номзодлар рўйхатига киритилмагани ғалати ва мени хафа қилди. У, албатта, кўпроқ ҳурмат ва эътирофга лойиқдир, хайронман", - деди Маротта.
"Интер" раҳбарининг таъкидлашича, бундай қарор Мартинеснинг нафақат статистик кўрсаткичлари, балки унинг жамоа муваффақиятига қўшган ҳал қилувчи ҳиссасини ҳам ҳисобга олмайди. "Бундай даражадаги ўйинчилар эътибордан четда қолса, бу ёмон сигнал", - дея қўшимча қилди Маротта.
29 ноябрь куни ФИФА 2024 йилнинг энг яхши футболчиси номига номзодларни эълон қилган эди.
