"Арсенал" бош мураббийи Микель Артета ярим ҳимоячи Томас Партининг келажаги ҳақида гапирди. Ганалик футболчининг "канонирлар" билан амалдаги шартномаси 2024/2025 йилги мавсум охиригача амал қилади.
"Вазиятни муҳокама қилиш учун вақтимиз бўлади. Парти барқарорликни энг юқори даражада намойиш этади, чунки унинг жисмоний тайёргарлиги бунга имкон беради. Мен Томасдан жуда хурсандман", деди Артета журналистларга.
Томас Парти "Атлетико Мадрид"дан трансфер қилинганидан кейин 2020 йилнинг октябрь ойидан бери "Арсенал"да ўйнамоқда.
Ўшандан бери ярим ҳимоячи 133 та расмий ўйин ўтказиб, 7 та гол ва 4 та голли узатмани амалга оширган.
