Ушбу ҳафтада "Ливерпуль" Чемпионлар лигасида "Реал"ни 2:0 ҳисобида мағлуб этди.
Ўйиндан сўнг “Лос-Бланкос” ярим ҳимоячиси Жуд Беллингем “Ливерпул”нинг ўйини айни дамда Европанинг энг яхши жамоаси эканлигини айтди. "Қизиллар" мураббийи Арне Слот инглизнинг сўзларига жавоб берди.
"Агар Беллингем Чемпионлар лигасидаги натижаларимизни назарда тутаётган бўлса, биз биринчи ўриндамиз ва бу бешта ўйинда биз яхшироқ жамоа бўлганимиз ҳақиқат. Лекин мен буни кеча айтдим ва яна такрор айтаман: Европанинг энг яхши жамоаси барибир "Реал Мадрид" бўлиб турибди, чунки улар ўтган йили Чемпионлар лигасида ғалаба қозонган. Бу мавсумда ким ушбу турнирда ғолиб чиқса, ўзини энг яхши деб аташ мумкин. Биз ҳозиргача бор-йўғи бешта ўйин ўтказдик", деди Слот журналистларга.
