Англия терма жамоаси ва "Ливерпуль"нинг қанот ҳимоячиси Трент Александр-Арнолд "Реал Мадрид"нинг асосий трансфер нишони ҳисобланади. Бу ҳақда Talksport журналистлари хабар бермоқда.
Манбага кўра, "Қироллик" клуби мерсийсайдликларни футболчига эга бўлиш нияти ҳақида аллақачон хабардор қилган. "Реал" бу ҳақда хабар бермаслиги мумкин эди, чунки ҳимоячи муддати тугаётган шартномага эга ва у январь ойидан бошлаб бошқа клублар билан эркин музокаралар олиб бориши мумкин. Бироқ "қаймоқранглилар" инглиз грандига ҳурмат кўрсатишга қарор қилишди.
Жорий мавсумда Александр-Арнольд "Ливерпуль" сафида 15 та ўйин ўтказиб, иккита голли узатмани амалга оширди. Transfermarkt портали унинг нархини 70 миллион еврога баҳоламоқда.
