"Бешиктош" Жованни ван Бронкхорстнинг жамоа бош мураббийлигидан истеъфога чиққанини расман эълон қилди.
“Бургутлар” Европа лигаси доирасида Тел-Авивнинг “Маккаби” клубидан учралган мағлубиятдан сўнг (1:3) икки кун ўтиб, 49 ёшли нидерландиялик мутахассис билан хайрлашганини эълон қилди.
“Бешиктош” ван Бронкхорстга қилган иши учун миннатдорчилик билдириб, келгусида муваффақиятлар тилади.
Ван Бронхорст мавсум бошидан бери “Бешиктош”ни бошқариб келмоқда. Собиқ "Барселона" ва "Фейеноорд" юлдузи бошчилигидаги 20 учрашувда жамоа ўнта ғалаба, тўртта дуранг ва олтита мағлубият қайд этган.
