Испаниялик футболчи 2016 йилнинг ёзида "Реал"дан "ПСЖ"га ўтган ва 2017 йилнинг қишида "Лас-Пальмас"га ижарага берилганди. Кейинчалик Хесе 2019/20 ва 2020/21 йилги мавсумларда "ПСЖ"да ўйнади.
"Агар хоҳласам, "Реал"да қолишим мумкин эди, аммо улар менга "ПСЖ"ни таклиф қилишди. Менга кўп вақт берилмагани учун Парижга кўчиб ўтишни ўйладим, чунки мен ўйнашни ва дақиқалар олишни хоҳлардим. Бунинг устига Эмери менга қўнғироқ қилди.
"ПСЖ"да дебют қилдим, биринчи ўйинда ғалаба голига ассистентлик қилдим, аммо кейин аппендицит билан икки ойга сафдан чиқдим ва қишда мен кетишим кераклигини айтишди. Мен Эмерига ўзимни алдангандек ҳис қилганимни айтдим. Президент Носир Ал-Хелайфи мени клубда қолишимни умуман истамади. Мендан кўра у хотинимни яхши кўрганми, билмайман", деди "Реал" ва "ПСЖ"нинг собиқ футболчиси.
