«Байер» бош мураббийи Хаби Алонсо Германия кубоги 1/8 финалида Мюнхенга қарши ўйин олдидан «Бавария» ҳужумчиси Харри Кейннинг жароҳати ҳақида гапирди.
«Албатта, Кейн муҳим ўйинчи, аммо уларда Мюллер, Гнабри, Олисе, Тель каби кўплаб вариантлар бор. «Бавария»да ҳар бир позиция учун иккитадан ўйинчи бор, ўнгда Олисе ва Сане, чапда Гнабри ва Коман. Келинг, эртага нима бўлишини кўрамиз. Улар Кейнсиз ўз ўйинларини қандай қуришларини билмайман, аммо бу бизга боғлиқ эмас», - деди Алонсо ўйинолди матбуот анжуманида.
«Бавария» - «Байер» учрашуви эртага тунда, 4 декабрь куни Тошкент вақти билан 00:45 да бўлиб ўтади.
