Лондоннинг "Челси" клуби вингер Михаил Мудрикнинг қишки трансфер ойнасида жамоани тарк этиш имкониятини кўриб чиқмаяпти.
23 ёшли футболчи Премьер-лигада Энцо Мареска жамоасининг асосий таркибида деярли майдонга тушмаяпти, шу боис матбуотда футболчининг ижара асосида ёки доимий равишда кетиши мумкинлиги ҳақида мунтазам равишда сўз боради. Журналист Бен Жейкобснинг сўзларига кўра, Мудрик январь ойида ижарага берилмайди ёки сотилмайди. "Челси" вингерни қўллаб-қувватлашда давом этмоқда - унинг мавсум давомида кетиши жуда даргумон.
Михаил Мудрик ушбу мавсумда барча турнирларда 15 та ўйинда майдонга тушиб, 3 та гол урди ва 5 та голли узатмани амалга оширди.
