Londonning "Chelsi" klubi vinger Mixail Mudrikning qishki transfer oynasida jamoani tark etish imkoniyatini ko‘rib chiqmayapti.

23 yoshli futbolchi Premyer-ligada Enso Mareska jamoasining asosiy tarkibida deyarli maydonga tushmayapti, shu bois matbuotda futbolchining ijara asosida yoki doimiy ravishda ketishi mumkinligi haqida muntazam ravishda so‘z boradi. Jurnalist Ben Jeykobsning so‘zlariga ko‘ra, Mudrik yanvar oyida ijaraga berilmaydi yoki sotilmaydi. "Chelsi" vingerni qo‘llab-quvvatlashda davom etmoqda - uning mavsum davomida ketishi juda dargumon.

Mixail Mudrik ushbu mavsumda barcha turnirlarda 15 ta o‘yinda maydonga tushib, 3 ta gol urdi va 5 ta golli uzatmani amalga oshirdi.