Мадриднинг “Реал” клуби бош мураббийи Карло Анчелотти Бильбаонинг “Атлетик” клубига қарши Испания чемпионати доирасидаги сафар учрашуви олдидан журналистлар билан суҳбатлашди.
Италиялик жамоа мухлисларини ярим ҳимоячи Аурелиен Тчуамени тўлиқ тиклангани ва майдонга тушишга тайёр эканлиги ҳақидаги хабар билан хурсанд қилди.
"Тчуамени бутунлай соғлом. У жуда яхши машқ қилди ва тикланди. У биринчи дақиқаларданоқ майдонга тушишга тайёр. Кўрамиз, қандай қарор қабул қиламан", - деди Анчелотти матбуот анжуманида.
Тчуамени ноябрь ойи бошида бўлиб ўтган "Милан"га қарши Чемпионлар лигаси ўйинида жароҳат олганди.
