"Барселона" ҳужумчиси Пау Виктор Роберт Левандовски билан рақобат ҳақида гапирди. 23 ёшли футболчи “Мальорка”га қарши ўйиннинг 73-дақиқасида захирадан майдонга тушган бўлса, 84-дақиқада якуний натижани таблога ўрнатди – 5:1.
Ла Лига тўпурарлари пойгасида 15 та гол билан пешқадамлик қилаётган юлдуз Левандовски кутилмаганда захирада қолди.
"Дунёнинг энг яхши ҳужумчиси билан рақобатлашаётганда ўйинга вақт топиш қийин. Аммо мен Робертдан ўрганишга ва менга берилган имкониятлардан фойдаланишга ҳаракат қиламан", - дейди испаниялик футболчи.
