"Бавария" бош мураббийи Венсан Компани жамоанинг Германия кубогидан чиқиб кетганидан кейин фикр билдирди. Мюнхенликлар 1/8 финал босқичида ўз майдонида "Байер"га мағлуб бўлди (0:1).

"Албатта, чиқиб кетиш жуда ёқимсиз. Қизил карточка ўз таъсирини ўтказди, аммо футболчиларимиз яхши кўринишди ва характер кўрсатишди. Жамоам озчиликда бўлган кўплаб ўйинларда қатнашиш имконига эга бўлдим ва бу қанчалик қийинлигини жуда яхши биламан.

Ҳиссиётларим аралаш: бир томондан, бу мавсумда Германия кубогини қўлга кирита олмаймиз, иккинчи томондан, яхши ўйин кўрсатдик, озчиликда фаол бўлдик, имкониятлар яратдик. Агар биз бир хил руҳда давом этсак, олдинда кўплаб ғалабалар бор", - деди Компани.