"Милан" ҳужумчиси Тэмми Абраҳамнинг фикрича, у ҳали футбол оламига ўзининг энг яхши версиясини кўрсатмаган.
27 ёшли футболчи "Милан" сафида 14 та ўйинда 4 та гол урди ва 4 та голли узатмани амалга оширди, аммо бош мураббий Пауло Фонсека А Серия ўйинлари учун асосий таркибни танлашда ҳамон бошқа ўйинчиларга устунлик бермоқда.
"Ҳақиқий мени ҳеч ким кўрган деб ўйламайман. Ҳали ўзимни футбол оламига кўрсатишим керак. Мен бу фантастик жамоа учун имкон қадар кўпроқ гол уришни хоҳлайман. Олдинда "Аталанта" билан энг муҳим ўйин турибди, биз тайёр бўлишимиз керак", - дейди ҳужумчи.
