Машҳур собиқ футболчи Димитар Бербатов Лондоннинг "Арсенал" жамоасининг стандарт вазиятлари ҳақида ўз фикри билан ўртоқлашди.
Айнан мана шу қурол “канонирлар”га АПЛнинг 14-туридан ўрин олган “Манчестер Юнайтед”ни мағлуб этишга имкон берди (2:0).
Лондонликларнинг иккала голи бурчак тўпидан сўнг киритилди - ҳимоячилар Юрриен Тимбер ва Уильям Салиба гол уришди.
"Англия Премьер-лигасида кўплаб ҳужумчилар дарвозабонга босим қилишлари мумкин. Натижада стандарт вазиятларда гол уриш имконияти пайдо бўлади.
Бундай шароитда сиз кучли бўлишингиз керак. Биз ҳазиллашганимиздек, “Арсенал” ўз стандартлари билан янги Сток Сити!” – деди “Манчестер Юнайтед”нинг собиқ футболчиси Бербатов.
