«Ливерпуль»нинг собиқ ҳужумчиси, ҳозирда Саудиянинг «Ан-Наср» клуби футболчиси Садио Мане Европага қайтиши мумкин. Бу ҳақда «Todofichajes» портали хабар бермоқда.
Манбага кўра, 32 ёшли сенегаллик форвард Италия чемпионатида ўйнаш имкониятига эга. Мане хизматларига Миланнинг «Интер» клуби қизиқиш билдирмоқда. «Нерадзуррилар» ҳужум чизиғини кучайтирмоқчи ва тажрибали африкаликка таклиф билан чиқиши мумкин.
Мане 2023 йилнинг ёзидан буён «Ан-Наср»да ўйнамоқда. Томонлар ўртасидаги амалдаги шартнома 2026 йилнинг июнь ойи охирида тугайди. Футболчининг трансфер қиймати 15 миллион еврога баҳоланмоқда.
