Мадриднинг "Атлетико" клуби ҳужумчиси Хулиан Альварес яна гол урди.

Аргентиналик футболчи Испания кубоги доирасидаги "Касереньо"га қарши ўйинда иккинчи бўлим бошланишидан олдин захирадан майдонга тушди ва ўйин якунига қадар гол ва голли узатмани амалга оширишга муваффақ бўлди. 24 ёшли форварднинг саъй-ҳаракати эвазига "матрасчилар" ўйинни тубдан ўзгартириб, иродали ғалабани қўлга киритишди – 3:1.

Эътиборлиси, Альварес жорий мавсумда барча мусобақаларда урган голлари сони 11 тага етди - бу "Реал" ҳужумчиси Килиан Мбаппедан (10 та) кўп. Ҳар икки футболчи Испанияда дебют мавсумларини ўтказмоқда.

Хулиан Алварес "Манчестер Сити"дан "Атлетико"га ўтди, Килиан Мбаппе эса "ПСЖ"ни "Реал"га алмаштирди.