Лондоннинг "Арсенал" клуби собиқ футболчиси Эммануэль Пети ватандоши Килиан Мбаппенинг "Реал"даги ўйини ҳақида ўз фикрлари билан ўртоқлашди.
"Менимча, у Мадридда жуда ёлғиз. Мен Беллингемнинг Мбаппени майдонда менсимаслигини пайқадим. "Реал Мадрид"да Килианнинг дўстлари йўқдек туюлади. Ва у ҳамиша ўз фаолиятидан норози бўлган матбуот томонидан катта босим остида. Ҳа, у ўша ерда ўнта гол урди, аммо бу қуруқ статистика. Мбаппе ҳозир ўзига ўхшамайди", - деди Пети.
Мбаппе ўтган ёзда қироллик клубига эркин агент сифатида ўтган эди. Жорий мавсумда форвард 20 та ўйин ўтказиб, 10 та гол ва 2 та голли узатмага муаллифлик қилган.
