Ҳужумчи Винисиус Жуниор трансфер миш-мишлари мавзуси бўлиб қолмоқда. «El Gol Digital» нашрининг журналист Франсуа Гальярдога таяниб хабар беришича, юлдуз бразилиялик келаси ёзда «Реал»ни тарк этишга қарор қилган.
Қайд этилишича, Винисиусга Европанинг икки топ-клуби «Манчестер Юнайтед» ва «ПСЖ» қизиқиш билдирмоқда.
Шу билан бирга хабарда «Реал» таслим бўлишни режалаштирмаётгани айтилади. Мадрид клуби 24 ёшли Винисиус учун янги шартнома бўйича таклиф тайёрламоқда ва унинг имзоланишига умид қилмоқда. Амалдаги келишув 2027 йилнинг ўрталарига қадар амал қилади.
