Майами клуби раҳбарларидан бири клуб Неймарни сотиб олишга тайёр эканлигини айтди.

"Ҳозир у “Ал-Ҳилол” футболчиси, у биз учун мавжуд эмас. Мен ҳар доим айтганман, биз жамоамизга буюк футболчиларни олиб келишга интиламиз. Бизнинг таркибимизда кўплаб чекловлар ва тақиқлар мавжуд, аммо бизда чексиз бюджет мавжуд.

Биз бунга интиламиз. Агар Неймар даражасидаги футболчини олиб келиш имконияти туғилса, иккиланмаймиз.

Бу нафақат менга, балки футболчи ва лигага ҳам боғлиқ. Лекин ҳа, биз бу ерда ажойиб таркибни яратишга интиламиз", деди “Интер Майами” эгаларидан бири Хорхе Мас.