«Ливерпуль» бош мураббийи Арне Слот фаолиятидаги илк Мерсисайд дербиси олдидан фикр билдирди.
«Бу барча учун – мухлислар, футболчилар, мураббийлар учун алоҳида ўйин бўлади. Энг муҳими, биз натижа ҳақида ўйлаймиз. Биз кучли жамоага қарши ўйнашга тайёр бўлишимиз кераклигини биламиз. Биз ҳамма нарсага тайёр бўлишимиз керак.
Биз ақл билан тажовузкор бўлишимиз керак. Ўтган мавсумда ўйинни томоша қилганман - ўшанда «Ливерпуль» қоидаларни кўп бузган. «Эвертон» стандарт вазиятлар орқали таҳдидлар яратади, шунинг учун кераксиз жарима зарбаларига рухсат бериш яхши эмас. Биз тажовузкор, аммо диққатни жамлаган ва ақлли бўлишни хоҳлаймиз», деди Слот журналистларга.
