"Челси" бош мураббийи Энцо Мареска "Тоттенхэм"га қарши бўлажак ўйиндан олдинги фикрлари билан ўртоқлашди. Якшанба кунги АПЛ ўйинида "шпорлар" "кўклар"ни қабул қилади.
"Тоттенхэм"нинг беқарорлиги? Биз уларнинг “Манчестер Сити” устидан қозонган ғалабасини ҳам, яқинда “Борнмут”дан учралган мағлубиятини ҳам ҳисобга оламиз. Менимча, Постекоглу яхши ишлаяпти. Унинг жамоаси еврокубокларда ўйнайди, демак, ўтган мавсум муваффақиятли ўтди.
"Тоттенхэм" жуда жиддий рақиб. Бизни жуда қийин ўйин кутмоқда. Умид қиламанки, биз ғалаба қозониб, мухлисларимизга байрам қилиш учун нимадир бера оламиз. Бу дерби, катта ўйин. Бироқ, якунда ғалаба учун уч очко берилади", - дейди мураббий.
