Лондоннинг топ клублари "Палмейрас"нинг 18 ёшли кўп қиррали ҳимоячисини диққат билан кузатиб бормоқда.
Журналист Флориан Плеттенбергнинг фикрича, “Палмейрас”дан 18 ёшли Витор Реис келаси ёзги трансфер ойнасида “Арсенал” ва “Челси”нинг эҳтимолий нишони бўлиши мумкин.
Хабар қилинишича, Лондоннинг иккала клуби ҳам бразилиялик иқтидорли марказий ҳимоячини диққат билан кузатиб бормоқда. Унинг клуб билан амалдаги шартномаси 2028 йилнинг охиригача мўлжалланган.
Жорий мавсумда Витор Реис “Палмейрас” жамоасида 26 та ўйин ўтказиб, 2 та гол урди. Нуфузли Transfermarkt сайти хабарига кўра, унинг нархи ҳозирда 10 миллион еврога баҳоланмоқда.
