"Манчестер Сити"нинг 24 ёшли ҳужумчиси Эрлинг Холанд инглиз жамоасини тарк этиши мумкин.
Fichajes порталининг хабар беришича, Эрлинг чемпионатни ўзгартириб, ўзини бошқа лигада синаб кўрмоқчи эканлигини яширмайди. "Шаҳарликлар" футболчи билан шартномани узайтириб, уни Европанинг энг кўп маош олувчи футболчисига айлантирмоқчи, бироқ Эрлингнинг ўзи ҳамон иккиланиб турибди. Европада унинг маоши ва амбицияларига мос келишга тайёр бўлган иккита жамоа бор - "Реал" ва "ПСЖ".
Холанд ўтган мавсумда "шаҳарликлар" сафида барча турнирларда 45 та ўйин ўтказиб, 35 та гол урди ва 6 та голли узатмани амалга оширди. АПЛнинг 2024/25 йилги мавсумида норвегиялик футболчи аллақачон 13 та гол урган.
