Алексис Макаллистер Арне Слот қўл остида "Ливерпул"даги ўзгаришлар ҳақида гапирди.
Аввалроқ, “қизиллар” Чемпионлар лигасининг 5-турида “Реал”ни (2:0), АПЛ 13-турида “Манчестер Сити”ни (2:0) мағлуб этганди.
– Арне Слот ва Юрген Клопп ўртасидаги фарқ нима?
“Энг катта фарқ ёки биз қўшган нарса бу тўпга эга бўлганимиздаги сабр. Бу ҳозирги асосий фарқ. Ҳозир бизда тўп устидан кўпроқ назорат бор, бу бизга кўпроқ голли вазиятлар яратиш имконини беради.
Жамоа ўзини қулай ҳис қилмоқда ва ажойиб футбол кўрсатмоқда, худди Чемпионлар лигасида "Реал"га қарши ва Премьер-лигада "Манчестер Сити"га қарши ўйинларда бўлгани каби. Бу бизга ишонч бағишлайди ва ҳар қандай рақиб билан беллаша олишимизни исботлайди.
- Ушбу икки ўйиндаги ғалабалар Премьер-лига ва Чемпионлар лигасида муваффақият қозониш учун даъвога айландими? Негаки, бу жамоалар сўнгги йилларда "Ливерпул"нинг асосий рақиби бўлиб келган.
- Ҳа, шундай. Биз сўнгги йилларда Европада ҳукмронлик қилаётган дунёнинг энг яхши икки жамоасига қарши ўйнашимизни билардик. Нафақат қаршилик кўрсатиш, балки ғалаба қозониш ҳам биз учун қийин бўлди. Биз буни энг яхши тарзда уддаладик ва табиийки, “Энфилд”да ўйнаш бироз ёрдам берди, чунки мухлисларимиз бизни қўллаб-қувватлашди.
Мен иккала ўйиндан, айниқса натижалардан мамнунман, лекин бу футбол ва энди биз кейинги ўйинга эътибор қаратишимиз керак", - деди "Ливерпуль" ярим ҳимоячиси.
