Мадриднинг “Реал” клуби дарвозабони Тибо Куртуа жамоасининг “Аталанта”га (3:2) қарши ўйиндаги муваффақияти ҳақида гапирди.
Килиан Мбаппе, Винисиус Жуниор ва Жуд Беллингемнинг голлари Ла Лига гигантига Бергамода ғалаба қозониш имконини берди.
Жан Пьеро Гасперини жамоаси учун бу мағлубият жорий Чемпионлар лигасидаги илк ютқазиқ бўлди.
"Бу ерда ўйнаш ҳар доим қийин. "Аталанта" А серияда пешқадамлик қилмоқда ва Чемпионлар лигасида яхши ўйнади, бугунги ғалаба бизга ишонч бағишлайди. Биз яхши бошладик, аммо танаффусга қадар пенальтини ўтказиб юбордик.
Яхшиямки, иккинчи бўлимда иккита тезкор гол уришга муваффақ бўлдик", - дея бельгиялик дарвозабоннинг сўзларидан иқтибос келтиради журналист Алфредо Педулла.
